வெளிநாட்டுத் தொழிலாளர்கள் சுரண்டப்படுவது தொடர்பான நீண்டகாலப் பிரச்சினைகள் குறித்து இரு தலைவர்களும் கவலை தெரிவித்த நிலையில், வங்கதேச புலம்பெயர் தொழிலாளர்களுக்காக தொழிலாளர் சந்தையை மீண்டும் திறப்பது குறித்து பரிசீலிக்குமாறு தனது மலேசிய சகாவிடம் கேட்டுக்கொண்டதாக வங்கதேச பிரதமர் தாரிக் ரஹ்மான் திங்களன்று கூறினார்.
வங்கதேச புலம்பெயர் தொழிலாளர் களுக்கு மலேசியா ஒரு முக்கிய இடமாக இருந்து வருகிறது, ஏனெனில் அவர்களின் வெளிநாட்டுப் பண அனுப்பல்கள் இந்த தெற்காசிய நாட்டிற்கு அந்நியச் செலாவணியின் முக்கிய ஆதாரமாக விளங்குகின்றன.
இருப்பினும், கடன் அடிமைத்தனம் மற்றும் கட்டாய உழைப்பு குறித்த அறிக்கைகளின் மத்தியில், கோலாலம்பூர் 2024 முதல் வங்கதேசத்திலிருந்து தொழிலாளர் களைப் பணியமர்த்துவதற்குக் கட்டுப்பாடுகளை விதித்துள்ளது. இதனால் தொழிலாளர்கள் மலேசியா வில் வேலைவாய்ப்பைப் பெறுவதற்காக கணிசமான கடன்களைச் சுமக்கின்றனர்.
2023-ஆம் ஆண்டில், ஆட்சேர்ப்பு முகவர் களால் தங்களுக்கு வாக்குறுதியளிக்கப் பட்ட வேலைகள் இல்லாததைக் கண்டறிந்த பிறகு, மலேசியாவிற்கு வந்த நூற்றுக்கணக்கான தொழிலாளர்கள் தவிக்க விடப்பட்டனர். இது அவர்களை சட்டவிரோதமாக வேலை தேட நிர்பந்தித்ததுடன், தடுப்புக்காவல் மற்றும் நாடு கடத்தப்படும் அபாயங்களுக்கும் உள்ளாக்கியது.
“சட்டவிரோத தொழிலாளர்களை முறைப்படுத்துவது மற்றும் முடிந்தால் தடுத்து வைக்கப்பட்ட பங்களாதேஷி யர்களைத் திருப்பி அனுப்புவது தொடர்பான பிரச்சினைகளையும் நான் எழுப்பினேன்,” என்று பிரதமர் அன்வர் இப்ராஹிமை சந்தித்த மலேசியப் பயணத்தின்போது ரஹ்மான் செய்தியாளர்களிடம் கூறினார்.
