பெர்சத்து கட்சியின் பொதுச் செயலாளர் டத்தோ ஸ்ரீ அஸ்மின் அலி, தனது கட்சிக்கும் பாஸ் கட்சிக்கும் இடையிலான பிளவைக் குறைத்து மதிப்பிட்டுள்ளார். மேலும், அவர்கள் தொடர்ந்து இணைந்து பணியாற்றி வருவதாகவும் அவர் கூறியுள்ளார்.
தேர்தலில் இரு கட்சிகளும் ஒருவருக் கொருவர் வேட்பாளர்களுக்கு உதவுவதால், களத்தில் நல்ல ஒத்துழைப்பு நிலவுவதாகவும் அவர் கூறினார்.நாங்கள் வெவ்வேறு தொகுதிகளில் போட்டியிடுகிறோம், ஆனால் நிச்சயமாக, களத்தில் உள்ள நிர்வாக அமைப்பு களிடையே நல்ல ஒத்துழைப்பு உள்ளது.
“நாங்கள் பெரிகாத்தான் ஆகப் போட்டியிடுகிறோம், எனவே நாங்கள் போட்டியிடும் அனைத்துத் தொகுதி களிலும் பெரிகாத்தான் ஆகவே செயல்படுவோம், பணியாற்றுவோம்,” என்று இங்குள்ள ஜாலான் சுங்கை சிபுட்டில் உள்ள கெராய் முவாஃபகாட்டில் செய்தியாளர்களைச் சந்தித்தபோது அவர் கூறினார்.தேர்தலில் ஒரு பலவீனமான அணியாகவே நுழைகிறோம் என்பதை கூட்டணி ஒப்புக்கொள்வதாகக் கூறினார்.
“பெர்சத்து மற்றும் பெரிகாத்தான் நேஷனல் இந்தத் தேர்தலில் ஒரு பலவீனமான அணியாகவே நுழைகின்றன என்பதை நாங்கள் ஒப்புக்கொள்கிறோம், ஆனால் ஜோகூர் வாக்காளர்களின் விவேகமும் அரசியல் முதிர்ச்சியும் மிக அதிகமாக இருப்பதை நாங்கள் கண்டிருக்கிறோம்.
அடுத்த தலைமுறைக்கு ஆற்றலூட்டுதல்
“அதனால்தான், கடந்த சில வாரங்களாக ஜொகூரில் உள்ள ஏறக்குறைய ஒவ்வொரு மாவட்டத்திற்கும் பயணம் செய்த பிறகு, குறிப்பாக இளம் வாக்காளர்களிடையே இந்த உத்வேகம் மிகவும் சாதகமாக இருப்பதை என்னால் காண முடிகிறது,” என்று அவர் கூறினார்.
