இணையவழி மோசடிக் கும்பல் ஒன்றில் ஈடுபட்டதாகச் சந்தேகிக்கப்படும் பல மலேசியர்கள் தடுத்து வைக்கப்பட்டு ள்ளதாக வெளியான தகவல்கள் குறித்து விசாரிக்க, மலேசிய அரசக் காவல்துறை (PDRM) பாகிஸ்தானின் இஸ்லாமாபாத் திற்கு ஒரு சிறப்புக் குழுவை அனுப்பியுள்ளது.
விசாரணை இன்னும் ஆரம்பக் கட்டத்திலேயே இருப்பதால், தடுத்து வைக்கப்பட்டுள்ள மலேசியர்களின் சரியான எண்ணிக்கையை இப்போதை க்கு உறுதிப்படுத்த முடியாது என்று காவல்துறைத் தலைவர் டான் ஸ்ரீ முகமது காலித் இஸ்மாயில் தெரிவித்தார்.
இங்கு நடைபெற்ற ‘ஆல்-டெரெய்ன் டாக்டிக்கல் அஸால்ட் ஈ-பைக்ஸ்’ (ATEB) வாகனங்கள் ஒப்படைப்பு விழாவிற்குப் பிறகு செய்தியாளர்களிடம் பேசிய அவர், “குறிப்பிட்ட இடங்களுக்குச் சென்று ஆய்வு செய்வதற்கு, எங்களுக்கு இடையிலான ஒத்துழைப்பு மட்டுமல்லாமல், அரசாங்கங்களுக்கு இடையிலான ஒருங்கிணைந்த நடவடிக்கையும் தேவை என்று உள்துறை அமைச்சர் நேற்று என்னிடம் தெரிவித்தார்,” என்று கூறினார்.
இந்நிகழ்ச்சியில் புக்கிட் அமான் உள்நாட்டுப் பாதுகாப்பு மற்றும் பொது ஒழுங்குத் துறையின் (KDNKA) இயக்குனர் டத்தோ ஸ்ரீ முகமது யுஸ்ரி ஹசன் பஸ்ரியும் கலந்துகொண்டார்.
பாகிஸ்தான் அதிகாரிகளின் ஒத்துழைப்புடன், இச்செயல்பாடுகளில் ஈடுபட்டுள்ள நபர்களின் வலைப் பின்னலை மலேசியக் காவல்துறை தீவிரமாகத் தேடி வருவதாக முகமது காலித் தெரிவித்தார்.
இஸ்லாமாபாத்தின் புறநகர்ப் பகுதியான குல்பர்க் கிரீன் குடியிருப்புப் பகுதியில் உள்ள மோசடி அழைப்பு மையம் (scam call centre) ஒன்றில் நடத்தப்பட்ட சோதனை யின்போது, பாகிஸ்தான் அதிகாரிகள் 258 வெளிநாட்டினரைத் தடுத்து வைத்ததாக சர்வதேச ஊடகங்கள் நேற்று செய்தி வெளியிட்டன.
இந்தக் கைது நடவடிக்கையில் மலேசியர்கள் மற்றும் பிற ஆசிய நாடுகளைச் சேர்ந்த குடிமக்களுடன், 40 சீன நாட்டினரும் 170 வியட்நாமிய நாட்டினரும் அடங்குவர்.
