டோஹாவில் நடைபெற்று வரும் கத்தார் கிளாசிக் 2026 ஸ்குவாஷ் போட்டியின் காலிறுதி ஆட்டத்திலிருந்து பெல்ஜியத்தின் டின்னே கிலிஸ் (Tinne Gilis) காயத்தால் விலகியதைத் தொடர்ந்து, மலேசியாவின் முன்னணி வீராங்கனை எஸ். சிவசங்கரி தனது முதல் ‘பிளாட்டினம்’ நிலை PSA ஸ்குவாஷ் சுற்று அரையிறுதிக்கு முன்னேறியுள்ளார்.
PSA ஸ்குவாஷ் சுற்று நிர்வாகத்தின் தகவலின்படி, காயம் காரணமாக கிலிஸ் இந்த ஆட்டத்திலிருந்து விலகினார்.
உலகத் தரவரிசையில் 5-வது இடத்தில் உள்ள சிவ சங்கரி, தனது அடுத்த சுற்றில் எகிப்தின் உலகத் தரவரிசை முதலிடத்தில் உள்ள ஹனியா எல் ஹம்மாமியை (Hania El Hammamy) எதிர்கொள்வார்.
எல் ஹம்மாமியும் தனது சக நாட்டு வீராங்கனையான நூரான் கோஹர் (Nouran Gohar) காயத்தால் காலிறுதி ஆட்டத்திலிருந்து விலகியதைத் தொடர்ந்து, ‘வாக்ஓவர்’ (walkover) முறையில் அடுத்த சுற்றுக்கு முன்னேறினார்.
எல் ஹம்மாமிக்கு எதிராக இதுவரை மோதிய 11 ஆட்டங்களில் சிவசங்கரி இரண்டில் மட்டுமே வெற்றி பெற்றுள்ளார்.
அந்த வெற்றிகள் 2017 மற்றும் 2024 ஆகிய ஆண்டுகளில் கிடைத்தன
