புதிய மைகார்ட்-இல் உள்ள QR குறியீட்டை சாதாரண ஸ்மார்ட்போன் கேமராக்களால் படிக்க முடியாது; இது தேசிய பதிவுத் துறை உள்ளிட்ட அமலாக்க முகமை களின் பயன்பாட்டி ற்காக மட்டுமே உருவாக்கப்பட்டுள்ளது.
இத்துறையின் அடையாள அட்டைப் பிரிவின் இயக்குனர் முகம்மது அஷ்ரஃப் சுகாடி, இந்தக் QR குறியீடு அட்டையில் சேர்க்கப்பட்டுள்ள புதிய பாதுகாப்பு அம்சங்களில் ஒன்றாகும் என்று கூறினார்.
“இதை சாதாரண தொலைபேசி கேமராக்களால் படிக்க முடியாது. இது பணம் செலுத்துவதற்கோ அல்லது அது போன்ற பயன்பாட்டிற்கோ அல்ல; தகவல்களைப் பெறுவதற்கும் அமலாக்க நோக்கங்களுக்காகவும் மட்டுமே இது உள்ளது,” என்று வியாழக்கிழமை (செப்டம்பர் 17) இங்குள்ள துறைத் தலைமையகத்தில் அவர் கூறினார்.
விண்ணப்பதாரர்கள் விரைவான செயல்முறை மற்றும் மேம்படுத்தப்பட்ட பாதுகாப்பைப் பாராட்டுகின்றனர். அட்டையில் உள்ள ‘வெளிப்படையான சாளரம்’ (transparency window) மற்றொரு பாதுகாப்பு அம்சம் என்றும், அதை பௌதீக ரீதியாகப் போலியாகத் தயாரிப்பது கடினம் என்றும் அவர் கூறினார்.
புதிய மைகார்ட் -இல் முந்தைய அட்டைகளில் இருந்த ‘Touch ’n Go’ வசதி இனி இல்லை. ‘Touch ’n Go’ சேவை ஸ்மார்ட்போன்கள் உள்ளிட்ட மின்னணு பணப்பை (e-wallet) பயன்பாட்டை நோக்கி நகர்ந்துவிட்ட தாலும், MyKad அத்தகைய பயன்பாட்டி ற்குள் மட்டும் மட்டுப்படுத்தப்படக் கூடாது என்பதாலும் இந்த மாற்றம் செய்யப்பட்டதாக அஷ்ரஃப் கூறினார்.
