பிகேஆர்க்குத் திரும்பும் முன்னாள் தலைவர்கள், அடுத்த தேர்தலில் தாங்கள் தானாகவே வேட்பாளர்களாகத் தேர்ந்தெடுக்கப்படுவோம் என்று கருதக்கூடாது என்று கூட்டரசு பிரதேச பிகேஆர் தலைவர் அஸ்மான் அபிடின் கூறினார்.
முன்பு கட்சியை விட்டு வெளியேறியவர் களை மீண்டும் ஏற்றுக்கொள்ள பிகேஆர் தலைவர் அன்வார் இப்ராகிம் காட்டிய விருப்பத்தை, அவர்களை வேட்பாளர் களாக நிறுத்துவதற்கான உத்தரவாத மாகப் பார்க்காமல், கட்சியை வலுப்படுத் துவதற்கான ஒரு வாய்ப்பாகவே பார்க்க வேண்டும் என்று அவர் கூறினார்.
“வேட்பாளர் தேர்வு குறித்த முடிவு கட்சி யின் நடைமுறைகளுக்கு உட்பட்டது; இறுதி முடிவு தலைவரால் மத்தியத் தலைமையுடன் இணைந்து எடுக்கப்படும்.
“பிகேஆர்-இன் அமைப்புச் சட்ட நடைமுறையின்படி, வேட்பாளர்களின் பெயர்கள் கிளைகளால் மாநிலத் தலைமை மன்றத்திற்கும், பின்னர் தலைவர் மற்றும் மத்தியத் தலைமை மன்றத்திற்கும் பரிந்துரைக்கப்பட வேண்டும்,” என்று அவர் எப்எம்டி-யிடம் கூறினார்.
வேட்பாளர் தேர்வுச் செயல்முறையானது மூத்த தலைவர்கள், நீண்ட கால உறுப்பினர்கள், புதிய முகங்கள் அல்லது இளம் தலைவர்கள் என யாரையும் வேறுபடுத்திப் பார்ப்பதில்லை என்றும், அனுபவத்தை விட அந்தத் தொகுதியில் வெற்றிபெறும் திறனே மிக முக்கியமான காரணியாகக் கருதப்படும் என்றும் அவர் குறிப்பிட்டார்.
படு (Batu) தொகுதியில் வாக்காளர் களிடையே தனக்கு இன்னும் வலுவான ஆதரவு இருப்பதாகக் கூறி, மீண்டும் நாடாளுமன்ற உறுப்பினராகத் திரும்பவும், அதே தொகுதியில் போட்டியிடவும் விரும்பும் மூத்த பபிகேஆர் தலைவர் தியான் சுவாவின் விருப்பம் குறித்து அவர் இவ்வாறு கருத்துத் தெரிவித்தார்.
இருப்பினும், மூன்று ஆண்டுகளுக்கு முன்பு கட்சியிலிருந்து நீக்கப்பட்டு சமீபத்தில் மீண்டும் ஏற்றுக்கொள்ளப்பட்ட டியானு சுவா, கட்சியின் தேர்தல் உத்தியின் ஒரு பகுதியாக இறுதி முடிவு கட்சியின் தலைமையிடமே உள்ளது என்பதை ஒப்புக்கொண்டார்
