சிரம்பான் (ஜூலை 28): வெளிநாட்டுத் தொழிலாளர்களைப் பணியமர்த்து வதற்கு முன், காலியாக உள்ள வேலை வாய்ப்புகளுக்கு மலேசியர்களுக்கு முன்னுரிமை அளிக்கப்பட வேண்டும் என்று மனிதவள அமைச்சர் டத்தோ ஸ்ரீ ஆர். ரமணன் கூறினார்.
உள்ளூர் தொழிலாளர்களுக்கு முதலில் வேலைவாய்ப்புகள் வழங்கப்படுவதை உறுதி செய்வதே மனிதவள அமைச்சின் முதன்மை நோக்கம் என்றும், அந்த நோக்கத்திற்கு இக்கொள்கை இணக்கமாக உள்ளது என்றும் அவர் தெரிவித்தார்.
“மனிதவள அமைச்சராக, மலேசியர் களுக்கான வேலைவாய்ப்புகளே எனது முதன்மையான முன்னுரிமையாகும். வேலைவாய்ப்புக்கான வாய்ப்புகள் எப்போதும் முதலில் உள்ளூர் மக்களுக்கே வழங்கப்பட வேண்டும். உள்ளூர் மக்களிடமிருந்து போதிய வரவேற்பு இல்லாத பட்சத்தில், மலேசியாவின் சட்டங்கள் மற்றும் விதிமுறைகளுக்கு உட்பட்டு வெளிநாட்டினருக்கு அந்த வேலைவாய்ப்புகளை வழங்கலாம்,” என்று அவர் கூறினார். மலேசியாவில் சட்டப்பூர்வமாக அங்கீகரிக்கப்பட்ட ரோஹிங்கியா அகதிகள் வேலை செய்வதை அனுமதிப்பது குறித்த முன்மொழிவு பற்றி செய்தியாளர்கள் கேட்டபோது அவர் இவ்வாறு பதிலளித்தார்.
செவ்வாய்க்கிழமை இங்குள்ள SJKT லடாங் செனாவாங்கில் உள்ள இந்திய சமூக-பொருளாதார மேம்பாட்டுத் திட்டத்திற்கு (PPSMI) தனது அதிகாரப்பூர்வப் பயணத்தை மேற்கொண்ட பிறகு ரமணன் சந்திக்கப்பட்டார்.
தேவைப்படும் இடங்களில் வெளிநாட்டுத் தொழிலாளர்களைப் பணியமர்த்தும் பணியை விரைவுபடுத்துமாறு பிரதமர் டத்தோ செரி அன்வர் இப்ராஹிம் விடுத்த உத்தரவுக்கு இணங்க, வெளிநாட்டுத் தொழிலாளர்களுக்கான, குறிப்பாக சேவைத் துறையில், விண்ணப்ப செயல்முறையை அமைச்சு சீரமைக்கும் என்று அவர் கூறினார்.
